以四太所講，超盈懷有B女5個幾月，但佢個肚巨到似佗緊孖胎咁，堅係航空母艦Size呀！

負荷咁重，真係佗到腰酸骨痛。好在未婚夫同四太呵番，四太仲送咗一間5億大屋同1億珠寶畀佢做嫁妝，令佢開心到捉住四太，連講兩次多謝。

其實單係香港，超盈已經揸住8億磚頭，包括市值7億幾嘅聶高信山道超豪宅，同埋兩個華景園單位。全部都係四太送嘅，真係多謝媽咪。

加上就快做媽媽，絕對係人生勝利組，所以佗得辛苦都咁開心啦！

四太最希望可以四代同堂，超盈佗住B女荷包蛋，令佢夢想成真。

佢一早同超盈講定要親自湊孫，而且對個女佗第一胎好緊張，雖然工作繁忙，但係成日陪住個女。

呢日佢陪超盈同未來女婿Thomas去睇家電，似乎係為佢哋嘅愛巢打點。

超盈同Thomas有周圍睇，但四太比佢哋更上心，不斷問店員詳情，仲親自試用部吸塵機。其實呢啲嘢應該有工人代勞，四太真係太細心啦！

喺四太買家電嗰陣，Thomas陪超盈去洗手間，仲喺外面等佢，相當體貼。

事關超盈個肚超巨，5個幾月已經十足臨盆咁，等車嗰緊，佢攰到周圍挨。

Thomas拍下佢個頭，想打情罵俏，超盈都冇乜心情理佢。佗得咁攰，又難怪佢之前上機要坐輪椅啦！

這裡打內文

立即下載《壹週刊》APP，精彩內容壹手掌握

下載連結： http://bit.ly/Next29App

如對會員訂閱制遇到任何問題或意見，你可以致電 2623 9985，或電郵聯絡客戶服務主任 [email protected]，我們定當盡力協助！