周日澳洲羽毛球公開賽，世界排名第6嘅中國球手諶龍喺男單決賽，苦戰46分鐘後以直落兩盤不敵排第11嘅印度球手斯里簡特，屈居亞軍。今場比賽戰情緊湊，雙方喺第一盤9次打成平手，雖然諶龍一度領先19:17，但始終把握唔到機會，打到「刁時」後以20:22先輸一盤。諶龍喺第二盤都無招架之力，再輸一盤16:21，連續20個月未試過喺超級系列賽贏冠軍。