吳雨霏（Kary）噚日出席活動嗰陣被人問到舊愛余文樂傳出新戀情，佢都好大方咁話自己都好想拍拖，不過一切就順其自然。點知…今日…Kary就攬住男朋友照合照啦！佢仲係藝人二代添呀！咁快就找到了？

嗱嗱嗱…各位粉絲唔使太緊張，其實Kary係攬住朱薰個仔合照話：「他是我今天的男朋友。」抱住BB嘅Kary，上圍仲忽然強咗添，咁又係樂仔新歡AseWang話晒都係有32C上圍，Kary仲唔乘機晒下自己身材都唔弱咩？

Kary除咗晒「新仔」同身材，佢今日仲上載咗張一頭亂髮嘅萌照，佢話：「最討厭的春天，唔凍唔熱又濕。頭髪多又卷到無朋友的我，還是適合留長髪。」嘟晒咀「投訴」自己啲頭髮唔聽話，呢個樣又真係幾可愛嘅。其實呢個髮型都幾有型呀，不如Kary試下就咁出活動，等大家見識下青春無敵嘅自然美啦！


爛片界盛事、由本報娛樂版舉辦嘅第九屆「金話梅電影選舉」（GoldenPlum）又嚟喇！請即click入網址投票，喺香港電影金像獎舉行之前選出爛片之霸！
↓↓↓
http://campaign.appledaily.com/goldenplum