𠵱家好多直選立法會議員真係連區議員嗰份都要撈埋，除咗換水喉街燈，連幫街坊買平價臘味、派漂白水都要做，真係少個錢都唔掂，所以議員就要識慳同善用人手喇！
慳呢方面，因為政府減咗官員外訪津貼，議員都要跟住減，新出訪海外津貼會較原本少四分一，而出訪少於四小時航程，就建議坐經濟位，唔好搭商務。
慳錢之外，議員都想爭多啲資源搞吓服務，負責研究議員薪津專責小組又開始睇立會議員津貼，所以立會整咗份文件，分析佢哋點用資源。原來每個議員平均每月用十萬幾喺辦事處、十三萬幾係酬酢交通開支，至於最高人工嘅議員助理有成四、五萬蚊，但得兩個人，絕大部份介乎一萬到萬五蚊，而六十個議員就開咗成一百四十三點五個辦事處，五十七個喺中央，地區有成八十六點五個，真厲害。


傳真︰2623-9278
電郵︰[email protected]