傅嘉莉今日去咗灣仔會展出席活動，好有事業心着住低胸裝非常性感，佢話衣服係大會提供，方便配帶鑽飾。

傳嘉莉家中都有鑽飾收藏，佢話：「做模特兒時有大job會買鑽飾俾自己，o依家有五樣，最貴係六位數字嘅頸鍊，每件珠寶都紀念我工作辛苦。」傅嘉莉有意將自己家傳之寶留給下一代，而媽媽就留咗隻鑽戒俾佢。

傅嘉莉早年唔少緋聞，坦言有男士送上鑽飾追求，佢話：「都有，但我拒絕，鑽石戒指係好有意思嘅禮物，要好大承諾，未到談婚論嫁唔會收，將來希望婚戒可以加入自己設計。」送樓係咪更實際貼地？傅嘉莉同大眾一樣：「呢個香港人夢想，安穩的家人人想要，首先要搵到男友先。」咁有冇男士曾表誠意？佢話：「o依家個個以為我同關楚耀呢對螢幕情侶係真，令到男士卻步，但證明好成功，搵多啲錢自己買啦，人哋送都唔知會唔會收番。」

精選娛聞，喺晒《娛果》
http://fb.com/appledailyent