林文龍同內地女演員董維嘉（小圖）嘅緋聞再次被翻炒，有周刊登咗佢哋啲合照。噚日林文龍接受商台電話訪問，佢話：「都知上次搞事嘅人會沒完沒了，估唔到咁快，我唔敢講佢係咪有黨羽，如果我哋再被騷擾，會通知（內地）檢查局。」佢強調老婆郭可盈對佢非常信任，同緋聞女主角董維嘉拍完劇都冇再聯絡。