當年今日
關於我們

  冬冬「呆寶」企埋一台 - 李八方

蘋果日報 2006/09/03 08:00


環境運輸及工務局局長廖秀冬噚日出席香港遊樂場協會舉辦嘅環保教育月活動,號召全港市民參加收集40,000個鋁罐計劃,喺9月24號砌出一幅全球最大鋁罐圖案。
勞師動眾只係砌一幅畫?當然無咁簡單,主辦機構話活動目的係要令市民養成把廢物分類習慣,認識垃圾唔係全部無用,只要花少少功夫,就可以變返做有用嘅嘢。
冬冬噚日大力呼籲市民參加呢個活動,相中企喺佢後面隻貓貓叫「呆寶」(圖),係主辦機構吉祥物,冬冬咁醒目唔係阿呆,搞掂環保有助煲呔連任,日後自然有運行。
曾顯華攝