mm2影視娛樂集團今日喺影視博覽舉行電影巡禮，香港區執行董事夏雨話上年有4套戲推出，今年繼續有好多作品，亦簽咗3個新導演。其中一套戲《殺手不笨》由台灣演員安心亞同香港嘅陳芷尤演出，戲中做千金小姐嘅安心亞戲中係粉紅控，全身都係粉紅色打扮，雖然唔多打戲，但都要經常着住高踭鞋逃跑。而戲中亦有幕出浴戲，但佢話唔怕走光：「要用毛巾包着身體，導演保證安全拍攝，所以不怕走光。」至於陳芷尤喺戲中做特工，事前到台灣訓練，已傷咗膊頭：「今晚就過去台灣拍攝，留喺當地兩星期，唔怕到時再受傷，因為武指會照顧我哋，唔會有太多傷勢。」

另外，拍《雙魂》嘅衛詩雅喺台上話以為拍鬼戲扮鬼唔驚，點知拍戲時感覺好驚：「短期內唔敢拍鬼戲，好驚，o依家靈魂未返嚟，o依家細膽咗。」

精選娛聞，喺晒《娛果》
http://fb.com/appledailyent