47民主派還柙@羅湖｜羅健熙指袁嘉蔚仍有講有笑「頂得住」 自嘲「戴眼鏡樣衰咗」
蘋果日報 2021/03/11 00:06
47民主派被控羅湖懲教所袁嘉蔚羅健熙南區區議會主席文浩正
47名民主派人士因參與初選而被警方控以「串謀顛覆國家政權罪」，部份女被捕人士現正在羅湖懲教所被關押，包括吳敏兒、黃子悅、袁嘉蔚和余慧明。今日下午有親友到來探望，南區區議會主席羅健熙及律師文浩正探望袁嘉蔚，羅在探訪後表示袁精神狀態及身體狀況都「okay」，仍然有講有笑，「佢話自己戴了眼鏡『樣衰『咗，仍識講笑我認為係很重要指標，反映佢喺裏面仍然好tough（硬淨），頂得住。」
南區區議會主席羅健熙（左）及律師文浩正今日探望袁嘉蔚，指她精神及身體狀態都okay。
下午約三時半到場，五時離開羅健熙又表示，上周以公務探訪為申請探訪，今星期已能順利探望，他表示袁嘉蔚雖然被單獨囚禁，失去了人身自由，但感覺到她仍然很努力去面對現實情況，而且沒有灰心感覺，對社區關心度依然，是一位非常盡責區議員，「她仍然很關心區域發生的事，究竟之後的議程要如何安排等，都有提及和問及，呢啲表現正正話咗畀大家聽，佢仍然很關心社區，很想繼續做好一路的工作，佢甚至仲喺度研究有咩議程可以入」。
袁嘉蔚在2月初時曾在社交媒體透露，在手腕上紋上「Fearless」刺青，羅健熙在訪問中亦有提及，指袁關柙期間，在面對困難時刻，一直用Fearless一詞去鼓勵自己，「我覺得無懼對仍然在內囚禁的她，係非常重要的，係作為一種喺咁環境下，畀自己一個打氣」。而文浩正律師則笑言袁嘉蔚多謝大家關心。
羅健熙指袁嘉蔚雖然獨自禁，但仍然無懼，正正如她手腕上刺青「Fearless」一樣。
另外下午2時左右，張超雄亦打算探望吳敏兒，然而繼早上在赤柱監獄「摸門釘」後，再次因為未加入探訪名冊不得其門而入。張超雄一行五人到羅湖懲教所，他表示到來探吳敏兒，「互相打氣，問候她，知道她腰痛，睇吓有的咩我哋喺出面可以幫到手。」上周六吳敏兒的Facebook小編透露「最令人掛心嘅係，Carol（吳敏兒）腰骨痛舊患發作，晚上都睡不好，食咗止痛藥都繼續作痛」。
可惜，經了解後張超雄未能入內探望，他表示因為其名字要加入探訪名單，需時辦理，因此今日他不作逗留等候，先行離開，其餘親友則在等候接見中。
至於余慧明的團隊昨晚於Facebook發帖，指余的精神不錯，並且十分感謝「追車師」，「大家嘅燈光畀咗好大力量佢。」小編指余希望大家注意安全，「牆內嘅佢會頂得住，牆外嘅大家能夠好好生存對佢嚟講係最大嘅支援」。
下午2時左右，張超雄亦打算探望吳敏兒，最後因未加入探訪名冊不得其門而入。
吳敏兒的腰痛令一眾戰友都替她擔心。資料圖片
余慧明透過fb小編感謝追車師給她的支持。
-----------------------------
你敢爆，我敢獎！ 立即Signal 63836568、WhatsApp 《蘋果》24小時爆相爆片熱線
或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！