曾執導韓片《韓流怪嚇》、《骨肉同謀》等電影嘅韓國著名導演奉俊昊，佢近年都專注拍外國電影，好似《末世列車》（Snow Piercer）及《玉子》（Okja），不過佢將會回歸韓國影圈，並執導新作《寄生蟲》。

《寄生蟲》已於上周正式開拍，並由《逆權司機》宋康昊夥拍韓劇《我的大叔》嘅李善均、《屍殺列車》崔宇植、《思悼》朴素丹等主演，今次係宋康昊繼《殺人回憶》、《韓流怪嚇》及《末世列車》之後，第四度同奉俊昊合作，可見宋康昊同奉俊昊合作無間。

《寄生蟲》講述一家人經歷咗大變動，雖然定名為《寄生蟲》，但片中唔會出現怪物，亦唔係科幻片，宋康昊喺片中做父親，崔宇植同朴素丹則為其子女。預計電影於今年完成拍攝，並於明年上映。而奉俊昊對上一次拍韓片已數2009年嘅《骨肉同謀》。

更多韓流，喺晒《娛果》
http://fb.com/appledailyent