日本組合AKB48前主將大島優子暫別演藝界，早前佢透露會到海外留學，其發言人強調大島優子並非引退，如有適合工作都會繼續接job。

28歲嘅大島優子一直對留學日期及地點大賣關子，不過有日本傳媒今日證實佢已在上月低調出發，留學地點就係美國嘅紐約，佢會喺當地進修一年，主力學英文及希望增廣見聞。據知，優子踏入9月已經停工，早前拍攝嘅劇集會於11月出街，而上月亦曾為節目到海外取景，相信停工期間仍可以睇到佢幕前演出。