【巴黎直擊】巴黎時裝周去到尾聲階段, 人氣劇 《延禧攻略》的「嫻妃」佘詩曼與「魏瓔珞」吳謹言昨日再一起出巡,同場還有林心如和衛詩雅。
阿佘連日跑了五場騷,昨表示一點也不累:「唔攰呀!好開心、好興奮,因為場場騷都有唔同風格,所以好充實。」問她和吳謹言有否相約吃飯,她說:「噚日見到佢,佢話去食中菜,問我要唔要一齊食,我話唔要喇,嚟到法國仲食中菜,所以我話食飯就留番喺北京見再食啦。」
林心如透露今次到巴黎其實是私人行程,她說:「正好趕到這場騷,所以多留一天。」衛詩雅首次到巴黎及參與時裝周:「好好玩,對我嚟講係旅行兼半工作,又可以睇到好靚嘅時裝。我由米蘭睇騷之後再過嚟,對我嚟講今次算係歐遊。」雖然寓工作於旅遊,但未有機會遊巴黎鐵塔,她說:「嚟到巴黎我都有跑步,有經過凱旋門、羅浮宮,個鐵塔太遠一來一回要跑二十公里,我未挑戰到。」