劉德華今年1月喺泰國拍道地廣告時墮馬受傷，盆骨多處骨折、筋腱肌肉嚴重拉傷，要乘醫療專機返香港(新聞連結： http://bit.ly/2iDM6Wu )，早前喺養和接受水療，加上華仔意志力強，已經出咗院，目前逗留喺屋企休養。

今日有周刊指，華仔拍嘅呢個最新道地廣告，平來想抽起唔播，不過華仔堅持如期喺三月底播，唔想飲品商有損失，據知廣告拍咗一半，目前諗用替身埋尾，定係剪一個新版本，不過個廣告一向要華仔睇過先出街，另外新片《拆彈專家》本來寰宇老闆延遲上映，不過華仔反對，之後華仔都會幫套戲拍宣傳片，年尾嗰廿場演唱會，華仔都會照做。