早前本報報道美職球隊洛杉磯銀河為咗表揚「萬人迷」碧咸效力六年的功績，就喺主場外豎立咗個咸爺嘅銅像，當時仲話個銅像相當英偉，點解家下又會變咗醜樣嘅？且慢，其實係咸爺嘅老友美國名嘴James Corden搞嘅一場大龍鳳，為咗整蠱咸爺。

話說James Corden喺真銅像揭幕之前嘅兩個月，已經夾埋整一個假嘅銅像送畀老友。而個假銅像根據James Corden嘅要求，塊面要夠長、而且個口露出三隻牙，同埋個屁股非常之大。之後，James Corden仲同銀河球會方面搞咗個假嘅銅像揭幕，連球會主席都出席埋，難怪碧咸真係信到十足。喺假嘅揭幕儀式入面，當然都有唔少臨時演員，例如佢哋都記錯碧咸以前踢曼城，又記錯碧咸個名係「Dave」，喺現場播放嘅碧咸銀河「精采」片段，意然係佢射波遠離目標，同對手嘈交等場面，總之令到咸爺好鬼尷尬。

到咗儀式嘅高潮，咸爺一見到「銅像」個樣搞成咁，當堂臉色一沉，仲同假設計師講話「呢個同我之前睇過嘅差好遠喎」，但假設計師就當然話咁整先係最準確。到最後，個假銅像仲畀工作人員整爛埋，成個場面嘅氣氛尷尬到極點。就喺呢個時候，一直幕後操控嘅James Corden衝咗出嚟，咸爺就知道自己被大整蠱，所以不停笑住爆粗。但係，都有網友，就算假銅像整得幾衰，都無當初C朗家鄉幫佢整個個銅像咁極品。

--------------------
《蘋果動新聞》4月訂閱新世代
壹會員尊享獨家內容
⇛立即免費登記： http://bit.ly/2TzFz0K
--------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM
--------------------
英超白熱大戰，強豪球星登場 BFB CHAMPIONS 2.0！11連抽扭蛋限時登場！達成目標即送保底 SP 球星扭蛋劵！
http://bit.ly/2BUtLvW
--------------------
《體蘋果》陪你睇波講波 https://www.fb.com/appledailysports