中共極權,天怒人怨,用國安法搞到香港變成一國一制,更加引起英美為首嘅多國關注,甚至出聲指摘。
繼美國接連出招之後,英國人似乎都開始嚟料,英國外交及聯邦事務部喺六四前夕,出咗個網上招聘廣告,公然提供機會畀香港人勾結外國勢力,想喺香港請個政治人員幫手。
呢份將會喺英國駐港領事館返嘅工究竟有咩特別?根據LinkedIn上嘅招聘描述,形容係擔當一個繁忙而重要角色,會處身喺英國政府在港工作的核心位置,職責包括就香港政局發展撰寫深入、高質嘅報告;分析香港法庭一啲重要判案;參與編撰英國國會(香港半年報告);就香港政治向英國政府提供政策建議。