跳樓身亡青年姓李(24歲),與母親及17歲胞弟同住黃大仙下邨龍達樓8樓一單位。李母與幼子及男女親友昨午返抵兒子伏屍現場拜祭,傷心哀慟;據李母透露,兒子中四輟學在社會謀生,惟自知讀書不成難搵好工,今年以自修生報讀會考,下周四應考最後一科便完成,對前路充滿憧憬。
李有一班自小相識的小學及中學同學,惟近年友好關係變質,他們不時在facebook內「唱衰」李,又發送手機短訊指有人染有不良嗜好,李母直斥兒子朋友「好衰」,「佢哋歧視阿仔,成日笑佢,有時我同阿仔一齊,阿仔個手機短訊又響起,佢就話:『又嚟啦!又嚟啦!』」她不諱言愛兒被那些難堪短訊催命。
由於長期飽受友儕滋擾,李近日經常思疑被人監視,曾向母親傾訴,母親提議帶他向精神科醫生求診,他還問慈母求診費用會否太貴,建議暫時擱置,「佢好生性同孝順」。
李母不時開解愛兒,前日兩人一起午飯兒子又再訴苦,當時李母勸解兒子,他還承諾:「我會生性做人!」
前晚李在家執拾家務後,致電姓譚(52歲)長輩透露死念隨即衝出屋外,胞弟見狀慌忙報警,惟李已由8樓走廊攀欄躍下,飛墮地面當場慘死。李母昨凌晨放工返家不能見愛兒最後一面,不禁悲嘆:「我始終幫唔到佢!」