當年今日
關於我們

親身赴歐做人辦成功
章小蕙奪PaulSmithBlue代理權

蘋果日報 2002/05/04 00:00


章小蕙取得英國品牌PaulSmith女裝「Blue」系列的獨家香港代理權,七月將在其「Teresa」店舖出售,章小蕙更透露Joyce和連卡佛對這個系列都有興趣,但最終代理權由她取得。
最近有消息指章小蕙取得英國品牌PaulSmith的「Blue」系列在香港獨家代理權,亦是東南亞首間店舖取得代理權。

貴價斯文
昨日章小蕙接受本報電話訪問時承認此事,並說Joyce、連卡佛都曾經傾過代理權,但最終對方挑選了她。
章小蕙說:「PaulSmith𠵱家喺西武都有得賣,佢哋賣開『Pink』系列,主要係casualwear,但我攞嘅『Blue』系列,係貴價同斯文啲嘅,好似今個秋季其中一條最貴嘅裙要成四萬幾蚊。我知道Joyce同連卡佛都有傾過呢個系列嘅代理,但最終都攞唔到。」
有說章小蕙在歐洲時裝界亦頗有名氣,她對此亦直認不諱,她說:「我自己不嬲好鍾意呢隻牌子,覺得佢有自己嘅味道,所以我今年二月去英國搵PaulSmith傾代理權,不過PaulSmith冇親自見我,我只係同佢公司職員傾。

七月出售
「我帶咗自己時裝店嘅簡介過去,佢哋見到好鍾意,見埋我全身嘅打扮,就對我充滿信心,所以我哋一拍即合。其實佢哋之前都識我,聽過我個名,知我成日去歐洲買貨返香港賣,所以好快就傾好,七月開始我間舖頭就正式有得賣嘞。」 採訪:盧雪琪