鄭秀文(Sammi)今日到尖沙嘴出席首飾發佈會，並配戴總值千二萬鑽飾現身，講到老公許志安有否送最贈鑽飾，Sammi即笑指又講老公，佢指以女性來講，自己不算多鑽飾，而最名貴的鑽飾是贊助商所送。人生第一粒鑽石，佢話：「喺二十幾年前，唱片公司第一次出糧畀自己，就去買一粒嚟做紀念，價值四萬幾蚊。依家有時都會拎出嚟睇，當然就會覺得好細粒，但鑽石嘅價值唔係在乎大小，而係對自己嘅意義。」Sammi都開始減少買衫，轉買鑽石保值。

今日安仔原定參與港台跟港鐵合作活動，但遇上港鐵四線癱瘓而取消，Sammi完全不知此事，因為一早出門工作，佢話：「都唔關佢（安仔）事，亦唔關港鐵公司事，意外嘅嘢冇人想，但係可以想像到市民好慘，希望老闆體諒、校長體諒，政府都要體諒市民。」日前在IG騷馬甲線，Sammi表示練了幾個月，但冇刻意定下終極目標，問到老公可有羨慕？佢話：「佢都好大隻，佢有佢練，我有我練，佢啲線條都好出。」當大家提議Sammi偷影老公成果上網分享，佢笑住話：「我要睇，揭起上嚟睇咪得囉，佢好少自拍，亦唔慣俾人影，不過佢ok fit，以佢50歲嚟講。」

精選娛聞，喺晒《娛果》
http://fb.com/appledailyent