今日（22日）沙田馬場舉行「時尚煲呔賽馬日」，唔少入場男士都響應大會要求，齊齊打煲呔入場，令呢日賽事生色不少；但講到爭艷鬥麗，一眾女士們又點可以唔參加埋一份呢，加上馬會會員席期間舉行「最佳衣著」比賽，有機會獲贈名貴腕錶，所以惹得唔少城中女藝人，例如莊思敏及妹妹、何傲芝梁嘉琪、苟芸慧、名模RoseMary等，齊齊著得鬼火咁靚入場。

去到第三場賽事後，大會更邀得江若琳及她男友「生煎包王子」蕭潤邦喺名錶時裝匯演行拍拖行Cat Walk，同一眾模特兒展示最新名錶以及著名時裝設計師Pius Cheung設計的晚裝，將今日「時尚煲呔賽馬日」嘅氣氛推到上高峰，隨後他們更憑「放眼量」攜手走進凱旋門，名利雙收！