31歲蔣家旻仍然單身 傳主動出擊黐實年輕富貴總理
蘋果日報 2020/12/12 17:43
蔣家旻麥秋成仁濟總理鍾培生
蔣家旻與富三代仁濟總理鍾培生傳緋聞。（IG圖片）
現年31歲的蔣家旻（Angel）最近可說是愛情事業兩得意，入行13年首次擔正做女主角，今日與敖嘉年、鄭丹瑞、張秀文、王灝兒等出席新劇拜儀式。近日有報道指Angel不甘排舞師麥秋成拒絕認愛，索性轉移目標，主動出擊向今年中認識的29歲的富三代仁濟總理鍾培生（Derek）埋手，早前鍾培生包場請朋友睇日本動畫《鬼滅之刃》，Angel黐到實坐正隔離，被指儼如女主人望做豪門少奶。
Angel今日出面澄清，表示與Derek是在工作上認識，她說：「兩次見面都係佢透過公司聯絡我嘅經理人，然後公司批准咗，我就出席個活動，而且睇電影係佢安排座位嘅，唔係我主動要求，嗰日（睇戲）經理人都有同我一齊去，所以只係工作上嘅聯繫。」對方是否有意追求？她說：「feel唔到，佢交遊廣闊，我係佢其中一個識嘅藝人朋友。」談到蔡思貝前度麥秋成，Angel曾斷正被影到與麥秋成一齊返屋企，但她繼續否認二人情侶關係：「佢係我嘅朋友，因為我哋認識好耐，有時候佢冇時間教我跳舞，就會安排另一位老師教我，兩個月前我都有去跳舞，所以現在仍是朋友，之前嘅報道都唔係事實。」而之前她接到好姊妹岑杏賢的花球，她笑言希望快點找到另一半。
新劇中Angel和敖嘉年是一個欺詐劇團的成員，嘉年是導演，Angel則是編劇，但由於要扮演不同角色，Angel亦要犧牲品色相扮AV女主角，敖嘉年爆料：「紅色，好性感嗰種，隻DVD封面都係佢個樣，好似。」
蔣家旻今年31歲，稱仍然單身好恨拍拖。
敖嘉年和蔣家旻都是第一次做劇集主角。
蔣家旻與鍾培生在約半年前認識。（IG圖片）
蔣家旻稱是鍾培生邀請睇戲，並安排坐身旁。（IG圖片）
蔣家旻否認追求鍾培生。（IG圖片）
蔣家旻亦否認與麥秋成是情侶關係。（IG圖片）
蔣家旻一直都有跟麥秋成學跳舞。（IG圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！