黃翠如今日去咗旺角出席朱古力品牌活動，因為遲啲要開新劇，翠如話早前專登同閨密去澳洲玩咗轉，佢話：「我哋去咗南澳9日，今次旅程係『亂咁嚟』，租咗架車見路就行，事前冇計劃郊外收唔到GPS，又冇睇地圖，入黑先搵地方住。」佢話好彩途中遇到嘅當地人都好好，翠如仲笑言：「雖然係『亂嚟』，但每次經歷都係美好，所以唔怕。」

翠如又話喺旅行其間，不斷收男友蕭正楠嘅Message，翠如話：「佢o依家心態同我父母一樣，開頭會擔心，但之後見我每次都大難不死就由得我。」一向畀蕭正楠批評廚藝麻麻嘅翠如，日前走去煲湯畀男友補償，雖然係買現成湯包，不過佢就話：「佢好感動，但話唔好飲！」

精選娛聞，喺晒《娛果》
http://fb.com/appledailyent