樂隊sp'ACE 今日去到商台宣傳新歌《中途站》，因為呢首新歌獲廣告商垂青，邀請5子接拍一個中藥藥貼嘅廣告，佢哋話：「因為個客戶聽到我哋呢首歌，所以就搵咗我哋去拍呢個廣告，有一句說話係話一世玩音樂，半世咕喱，因為要搬搬抬抬，呢個亦係一個好長途嘅旅程。」

佢哋就話今次係第一次拍廣告，收咗6位數字酬勞，感覺好興奮同開心，而客戶仲會贊助一世用藥貼，佢哋笑話拍廣告當日要吉吉除衫，吉吉就話：「平時都keep住肥，不過喺拍之前嗰個禮拜進行咗地獄式減肥，只係露咗個背，冇問題。」佢哋仲話唔介意酬勞多少，最開心嘅係大家覺得5個形象健康，因為藥貼係sell年輕人市場。

精選娛聞，喺晒《娛果》
http://fb.com/appledailyent