由允兒、池昌旭、宋允兒主演嘅tvN新劇《權慾叛戰》於今晚播出第15集並於聽晚大結局，劇組就於今日率先公開第15集嘅預告，預告中只見受傷卧床嘅池昌旭已經好返，不過答應宋允兒見完池昌旭就會離開嘅允兒，喺搭飛機途中就畀人綁架，池昌旭就再次去救允兒，不過預告片中再見佢受咗傷，緊湊嘅劇情令粉絲相當緊張後續。

而劇組今日除咗公開預告之外，亦公開咗第14集嘅花絮照，就係受傷昏睡嘅池昌旭發夢同允兒甜蜜約會嘅相。相中池昌旭瞓喺允兒大髀上，兩人仲深情對望，而允兒更用手幫池昌旭遮太陽，真係Sweet到爆！

另外，兩人今日現身江南嘅咖啡店履行收視公約，為100名粉絲送上咖啡，吸引粉絲早早到場排隊等見偶像，允兒更唔怕凍着短裙晒腿現身0添！