【停工半年失6位數】張慧儀憂16歲養子要換心 財政心理同添壓力
蘋果日報 2020/09/08 17:10
張慧儀今日出席活動時，坦言擔心養子Hanson將來要做換心手術。
張慧儀今日以兒童心臟基金會籌款事務委員會聯席主席身份，在九龍灣出席活動，她即場分享養子張晃維（Hanson）患有先天性心臟病經歷。慧儀透露Hanson今年已16歲，前年所做的手術，康復情況非常理想：「每3、4個月覆診一次，但如果到佢再大啲，如果而家嘅嘢負荷唔到佢，佢又再需要手術，因為醫生話Hanson情況比較複雜，佢再做手術就係要換心，當然我唔希望去到嗰日，因為換心好麻煩，又要搵個適合，又要唔排斥。」
慧儀坦言除了心理壓力很大，金錢方面亦有壓力，她說：「我要努力工作，因為我停工停咗好耐，我由1月返馬拉過年，但因為疫情，當地實施封城封國，到6月初我先返到香港。」問到損失多少收入，慧儀坦言有5至6位數字，但幸好回港後即有廣告的拍攝工作，她還笑說：「呼籲大家有嘢做可以搵我，我正式復工喇！」
提到Hanson現時與她分擔家務，慧儀開心地說：「我會教育佢，我同佢講呢個家得我哋兩個，一直冇請傭工，以前佢細，媽媽做，但佢而家大個，就要幫媽媽，所以佢會自動自覺幫手吸塵、執床、洗碗。」慧儀又指由於疫情關係，又指Hanson很怕死，所以會很少出街，她笑言擔心Hanson變宅男。
張慧儀透露因為武漢肺炎疫情關係，停工近半年，損失約6位數。
提到養子Hanson的健康，張慧儀坦言金錢和心理上都有壓力。
張慧儀指Hanson乖仔，幫手做家務。
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！