去年的反修例運動激發全民政治參與，大批政治素人投身區議會選舉，試圖在制度內作出改變。人稱「表弟」的網媒攝影記者梁柏堅，在反送中運動一周年，憶及約365天前，就是因為眼見民意未能上達，6.12的金鐘更爆發大型抗爭，令他明白議會若未能有效反映民意，便會造成惡果，令他重投參政路，當選後一直銘記的是：要令市民的聲音「被看見」。

記者　陳嘉裕

提起大佛口區議員梁柏堅，最多人記得他在區選投票日堅持以攝影記者身份留守理大校園採訪，未有現身拉票，卻以1,723票擊敗1,625票的民建聯李均頤當選。其實梁柏堅6年前已經是「和平佔中」義工，2015年區選曾以傘兵身份空降灣仔區大佛口。走在社運路多年，梁柏堅自言經歷佔領運動失敗、區選落敗都令他出現低潮，甚至自我質疑，尚幸其間仍有佔中發起人戴耀廷鼓勵，亦牢記2015年區選的800多票支持。

反修例風波前，梁柏堅曾遲疑應否再戰，6.12事件則令他立定決心，直言《逃犯條例》修訂原或在6.12於立法會於建制派支持下三讀通過，而民意未能真正上達，其中原因是作為諮詢架構的區議會未有做好諮詢工作，甚至18區區議會主席更聲明撐修例：「區議會係諮詢架構，但14年佢（區議會）話支持（假普選）白皮書，支持一地兩檢，建制壟斷嘅區議會，令到真正民意嘅聲音相反，嗰種黑白顛倒，先至會令去年6.12咁（民意）爆發。」他當下決定再戰區選，欲由區議會層面扭轉局面。

「6.12帶到畀我嘅係：如何由民意主導去做啲事？」

梁柏堅參選時以「真諮詢、重民意」為口號，期望小至社區環境問題，大至社會政策議題，都可以用區議會資源，透過公平的數據量化方式，由下而上反映民意，審視社會問題，「我哋要將呢啲人（選民的意見）被看見；6.12當日就係市民被看見，市民用盡方法話畀政府知，我（市民）喺呢一度、我反對你，所以我哋更加要喺議會延續呢種精神，令到更多市民被看見」。

有人認為議會已經腐爛不堪，政府更在民主派區選大勝後削區議會權力，那走入體制推動改革是否有用？梁說：「唔好畀體制侵蝕自己，唔好（因為現實限制）得過且過，唔好忘記想選入去嘅初心，而6.12帶到畀我嘅係：如何由民意主導去做啲事？我控制唔到佢（政府）聽唔聽，但我哋要真實反映民意，令佢（政府）唔可以喺民意上造假。」未來除了關注《遊樂場地規例》修訂、改善社區環境等地區工作，梁柏堅強調最重要是守護議會。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
《囚牢之疆》 專頁
揭開集中營邪惡面紗
獲2020年人權新聞獎「多媒體（中文）」大獎
-----------------------------
App內1-Click訂閱《蘋果動新聞》
按此了解更多