林欣彤（Mag）、吳若希、張紋嘉（Crystal）及張惠雅（Regen）今日去到香港仔出席饑饉三十活動，Mag透露已落實簽新公司，不過容後先可以公佈消息。而眼腫腫嘅吳若希坦言有啲唔舒服：「我周期不適呀！今次帶咗爽身粉同膠錶做義賣，兩樣都有我陣味。」

至於Crystal及Regen被問到有否睇好友黎美言有份參與嘅真人騷《G1格鬥會》？Crystal話預告片已經令佢好驚：「好恐怖，拳拳到肉。」有指黎美言犯眾憎，更同鄧穎芝不和？佢話：「新聞都好明顯啦，好複雜嘅，女仔（和好）好難㗎，唔係一句和事佬就得。」佢哋異口同聲話昂使ViuTV開《G1》第二季，亦唔敢參加。