當年今日
關於我們

【龍剛病逝】點滴回憶 彭浩翔踢拖赴影展龍剛斥:導演唔可以咁隨便!

蘋果日報 2014/09/02 06:00

蘋果烏甸尼斯病逝彭浩翔即時龍剛

彭浩翔今日得悉龍剛導演逝世,於微博留言悼念謂:「龍剛導演是個傳奇,影響好幾代電影人。我深受他的電影啟發,有幸數年前在意大利偶遇龍剛夫婦,相處好幾天,龍導演不但來了我首映,還交流了許多電影的觀點,讓我獲益良多。上星期才聽到他在紐約拿到終身成就,還來不及恭喜導演。今早竟收到噩耗。」

原來彭導去年出席烏甸尼斯影展時,也曾經被龍剛教訓,他今天接受電話訪問說:「上年去烏甸尼斯影展,我部戲首映,龍剛有嚟睇,佢見到著住拖鞋、便服,就笑住同我講新一代導演唔可以咁隨便,起碼著番件西裝,當時我解釋因為剛落飛機趕嚟。」

「我同佢喺烏甸尼斯差唔多相處咗一個星期,佢真係一個好大膽同有前瞻嘅導演,拍戲好有個人風格,但依家我哋呢一代導演,想拍自己風格電影,但投資者會先問我哋:『部戲上唔上到內地?』如果話唔得,咁投資者根本唔肯支持,所以導演有時都好無奈,未必可以拍到自己想拍嘅!」