落幾日雨，撞正今日大台搞香港小姐首輪面試，一 班「佳麗」想保持靚靚形象都唔易，仲要擔住把傘都幾狼狽!

早上11點開始，「佳麗」陸續到場，Zoe身穿白色連身裙，大晒清純，做freelance model，曾經拍過Salad廣告，今次孭咗個粉紅色嘅該牌子嘅手袋，有啲「嫩版宋熙年」feel!

鄰家少女feel嘅Jennifer，打扮有啲casual，由爸爸陪同坐的士到場，睇佢一頭長髮，似足「大鼻岑杏賢」!!!

「吊帶王祖藍」Dion身穿吊帶白色連身裙，由於現場有啲風，吹到佢有啲披頭散髮嘅感覺，睇真係個樣，有啲似黃子華前度女友劉婉君，又有啲似藝人王祖藍。

Elisa身穿粉紅色裙，見佢裙有啲漬，佢報稱之前做空姐，不過佢否認被裁員，佢有啲似曾國祥女友王敏奕，不過就係尖面版「空姐王敏奕」。