不過正所謂睇相佬呃你十年八年,袁教授苦口婆心嘅勸告,結果噚日就成真,香港多區爆疫,政府都立即收緊防疫措施,呢班親子王國叻唔切嘅港媽,係咪要認錯同教授道歉呢?有人噚日喺親子王國出post挑戰,問「之前係咪鬧袁國勇唯恐天下不亂?」一班港媽群起反撲,話7.1咁多人一齊出去播毒,又有人再拎袁教授話香港140萬人感染再鬧過,反問係咪實現咗?力證冇鬧錯人,仲有人話有人想迫害佢哋,令其他人唔上親子王國,方便其他人壟斷資訊喎。
係咪一人藍腦就殘?八方唔敢評論,但公道啲講,7.1群聚唔止抗爭者㗎,仲有幾千警力,八方見到好多仲唔戴罩㖭,仲未計市民防疫意識低左,又去海洋公園又去迪士尼,到處都係檢疫漏洞唔爆先出奇。八方最後溫提,有病徵就盡早求醫,盡早隔離。