何家三房千金超蓮同超雲兩姊妹日前就一齊行街街shopping，其實佢哋感情真係好好，超蓮仲不時喺ig share同家姐嘅合照。

28歲嘅家姐超雲同25歲嘅超蓮年紀相近，又鍾意扮靚，感情梗係好啦！除咗平時share一齊扮靚嘅合照之外，佢哋早前仲一齊陪媽咪睇歌神學友嘅演唱會，而喺早前超雲同媽媽生日，超蓮仲準備咗3D蛋糕畀佢哋慶生，而超雲早前仲post咗兩對鞋，原來係想晒「姊妹情」，佢留言話：「姊妹鞋，買了兩雙不同的鞋然後交換。媽媽真好，生出我們只差半號的腳！」嘩！閃到呢！

而超蓮呢排去咗外地都好，都會同家姐視像通話，仲cap埋圖話好掛住家姐。超蓮唔止同超雲感覺好，佢亦有上載同超盈嘅合照，不時一齊出席活動，超盈仲介紹里安納度狄卡比奧俾超蓮識㖭！

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。