黃心穎同馬國明今日情侶檔到咗新加坡出席活動，難得可以一齊出埠，俾晒機會二人世界，會唔會留低玩幾日？心穎BB講到明好想留低，不過之後返香港拍劇，馬國明更加要即日來回拍新劇……機會咁就冇咗，要下次再約過。

馬國明喺新劇又演醫生，但呢次走型格路線，明顯同之前《降魔的》唔同，心穎BB話喺公司見到馬國明造型都忍唔住望多兩眼，又讚佢其實行咗17年型男路線。

最近湯洛雯同羅天宇分手，心穎BB話之前好耐都冇聯絡，最近拍劇多咗機會傾偈，讚靚湯專業冇影響工作。