今年韓國娛樂圈真係勁多喜訊，唔少女星宣佈結婚，亦有女星公開戀情，真係喜氣洋洋！

好似宣佈咗下月25號結婚嘅韓劇《華麗的誘惑》38歲男星朱相昱同31歲女星車藝蓮咁，佢哋前日就由韓國出發去夏威夷，為雜誌拍攝婚紗相，兩人去到呢個充滿浪漫氣氛嘅地方，亦順道周圍遊覽，享受婚前嘅二人世界。

自從公佈婚訊後，車藝蓮同朱相昱都好大方，不時公開放閃，今日車藝蓮就喺Instagram公開咗同未婚夫嘅恩愛合照，當中朱相昱溫柔地攬住未婚妻，車藝蓮仲留言大讚夏威夷好靚。

另外，同樣近日飛咗去夏威夷嘅李東健同趙胤熙，李東健日前就被網民拍得陪女友Shopping，今日趙胤熙亦都喺Ig上載同男友頭貼頭嘅親密合照，睇個造型估計二人仍然身在夏威夷享受陽光與海灘。

難得生性暴龍哥創科眾籌夢，遭隱世肥報販秒殺！ https://goo.gl/hnEB7D

「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw