才子梁文道創辦雙月刊《讀書好》，創刊號訪問《蘋果》社長董橋，請佢介紹最喜歡嘅書，董橋直言唔可能，因為佢發現書同漂亮女人一樣，睇到漂亮女孩會心動，會想抱抱佢，卻唔會想到跟佢結婚，因為靠近佢嘅時候，總會發現一啲缺點，距離遠一啲就好漂亮、迷人。
沒有最喜愛嘅書，董橋卻有最喜歡嘅作家，就係毛姆。佢話13、14歲時看毛姆，𠵱家再睇，永遠記得毛姆說"Iamastoryteller."可惜𠵱家唔單只少人睇毛姆，要搵佢嘅書都好難喇。好多人話睇唔明董橋嘅文章，佢說「不管了」，𠵱家寫文章無包袱，"Asaseniorcitizen,Ihaveaprivilege."《讀書好》班底包括呂大樂、蔡東豪、劉小康等人，新鴻基獨家贊助100萬蚊出版6期，喺書局同新地旗下商場等地免費派發。