每屆世界盃，巴西均是球迷的寵兒及奪標大熱門，今屆亦不例外。亦正是這個原因，森巴足球的表現，往往令巴西擁躉有種希望愈大，失望愈大的矛盾心情。巴西國家隊的陣容，由兩閘至前鋒，均是全攻型，個個都腳腳七注，相信每名球員都是其他二三流球隊希望吸納的。如果有得搞移民，不少國家隊好似香港乒乓球隊一樣吸納巴西球員，卡路士做南韓嘅中鋒，相信都幾具娛樂性。

陣中太多球星

在巴西對克羅地亞之後，眼見部份大牌球星，如朗拿度，又未瘦身，又要錫身，點踢好波呢？畢竟球隊中有太多球星了。還有一個問題，就是每個球員都諗住人哋會走多幾步，少我一步無乜所謂。反之克羅地亞整隊之身價總和都不及朗拿度一半，但人窮未必志短，皆因足球場是英雄地，拚死去博一鋪，話唔定有大球會睇啱上位，這就是世界盃吸引之處，這也是時有爆冷的原因。
還有一點，巴西球員如能奪取冠軍，個人獎金只有160萬港元，比起美國、德國及英國等相差一大截。在賭波、假波、做波的大環境下，98年決賽會否歷史重演，確實是大家的憂慮，這亦是我由始至終反對賭波的主要原因，足球已經變質了！
鄭家富
立法會議員，擅踢右翼，是立會足球隊成員之一。