【前日退伍】金賢重4月開見面會 暫未有新工作
金賢重
現年30歲嘅韓劇《感激時代》男星金賢重,雖然經歷過多場跟前女友嘅官非,不過前日正式退伍時,仍獲1,500名粉絲拉橫額迎接,而金賢重方面就表示,為答謝粉絲,將於4月29日舉行個人見面會「ANEMONE」。
金賢重所屬嘅Keyeast事務所今日表示:「金賢重將於4月29日喺首爾舉行粉絲見面會『ANEMONE』,報答海內外粉絲嘅支持、等待以及關愛。目前除咗呢個見面會外,尚冇任何其他已確定嘅官方活動行程。」據知金賢重會於見面會結束後舉行握手會,近距離向粉絲表達感謝。
另外,金賢重方面噚晚公開以「The letter」為題嘅短片,感謝粉絲於寒冷嘅天氣中迎接佢,最後不忘多謝軍中一同度過21個月嘅軍人們。