話說不時同狼班子有唔同意見嘅林煥光，噚日出席一個頒獎典禮致辭時提到噚日係和平紀念日，令佢記起歷史上好多災難同失誤，都係由人同人間嘅誤解、猜疑同暴力交織而成，繼而話要維持和平與愛嘅社會，解決矛盾，最重要係以文明方法溝通，擺明講緊佔領運動！
佢其後接受傳媒訪問時就借勢話，香港政制問題最好由內部對話開始，主動提到日本作家村上春樹話會企喺雞蛋一邊、支持香港佔領者，話要用番類似比喻，強調知識就是力量，希望學生快啲返學校學習知識，有尊嚴地退場：「以知識孵化自己，成為有能力嘅Angry Birds，將來催生社會嘅轉變」。
有網民心水好清，話Angry Birds係用自己打破高牆同啲豬仔，「即係林生你承認𠵱家政府有啲豬喺入面？」面對狼英有咁多豬一樣嘅隊友，睇怕呢班年輕Angry Birds，把怒火唔會熄！