沙士一度陷谷底 自由行爆大反彈 
風光不再 零售業重新上路

蘋果日報 2017/06/05 00:00


【香港20年】
【本報訊】回歸20年,以「來回地獄又折返人間」形容香港零售市道最貼切不過。經歷金融風暴、樓市大跌、消費急挫,到「核彈級」沙士來襲令零售直插谷底,然後內地2003年起放寬旅客來港,戲劇性令2013年全年零售額,爆升至歷史新高4,944.51億元。有受惠於零售狂潮的零售商不諱言,香港零售市道風光不再,大家又要重新上路。
記者:范穎琛 方楚茵 江靖然
empty
銅鑼灣時代廣場見證羅素街20年變遷,現時大型連鎖名店成行成市(左圖),當年小舖林立(右圖)的光景已不再。何頴賢攝
有83年歷史的珠寶首飾零售商周生生,其大中華區營運總經理劉克斌指,回歸20年,最印象深刻是2003年沙士,坦言是「最困難係嗰個年代,但好好彩,後來有自由行開放嘅喜訊,對我哋(零售)嚟講有好大幫助,多咗好多內地客」。他指,受惠內地旅客對黃金及奢侈品需求龐大,生意額至少按年升40%,集團加快開店步伐。
不過,高峯期過後,珠寶業2014年開始步入調整期,劉慨嘆風光不再,「做生意幾時都有起有跌,好多環境、人為因素都唔可以預計」,故近年開始減少旅遊區開店,改為於元朗及沙田等民生區開分店,吸納剛性需求及自用消費者市場。
珠寶界睇好中國市場
同樣受惠自由行的六福,其主席黃偉常表示,1998至2003年接連遇上金融風暴及沙士,是最難捱的日子。他指六福1997、香港回歸年上市,隨即遇上金融風暴,股價跟生意同步急跌,幸好2003年後自由行旅客湧港,帶挈集團不斷在遊客區擴充;至近年一周一行政策再次令行業面臨險境。
對於當前情況,黃偉常處之泰然稱,「(近幾年)梗係冇咁好啦,但生意梗有循環,平靜少少都好嘅,鞏固下產品組合、款式」。他多番強調「內地人始終係主要客源」,未來10年,個人仍堅持「睇好中國市場」。
長期被內地旅客視為必到景點的化妝品零售龍頭莎莎,亦剛好在回歸年上市,主席郭少明坦言,慶幸能在1997年金融風暴爆發前上市,指當時「我哋都有一間舖頭喺旅遊區,生意跌咗好多」,上市後令公司有足夠資金,可穩住軍心兼加快發展民生區份。
empty
賣口罩曾佔生意額20%
2003年沙士,郭稱「嗰時全香港人都戴口罩,你見到人同人笑會覺得你好怪」,但後來有個熟客仔打嚟『郭生、郭生,我買唔到口罩』」,令他驚覺此刻「客人唔係需要化妝品,搽唇膏,係需要戴口罩、清潔用品」,馬上安排採購同事全球搶口罩,口罩銷售一度佔生意額達20%。直至今日自由行旅客大減,郭少明坦言「調整係正常嘅」,無論是莎莎或是香港零售業,均需要靠自身調節適應新環境。
建銀國際消費行業研究部董事陳兆昌指,自由行開放初期,確實吸引到不少內地人來港「土豪式」消費,帶動本港零售市場急速增長;然而,近年旅客消費喜好及習慣出現變化,凸顯本港旅遊業客源單一化問題。
他預料,未來本港零售市場會平穩發展,惟不會回復高增長,相信日後香港「唔會太迎合某類旅客……好多唔同類型舖頭又會出現」。
97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk