嚟到日本，一定要去KamoShop帶返啲手信返屋企！KamoShop係咩？簡單啲講，球迷聖地！

東京有四間KamoShop，今日帶大家去最大，有成五層樓高嘅涉谷店。入面有各大球會嘅波衫精品，其他包括波砵甚至戰術板都應有盡有。最吸引人嘅，當然係賣日聯球隊商品嘅地方。三姑話要大阪櫻花、六婆話要鹿島鹿角、自己又要買浦和紅鑽喎！唔使驚，KamoShop有多間日聯甚至日乙球會商品，實可以搵到你想要嘅嘢。日聯球員波衫以FC東京嘅武藤嘉紀較受歡迎；而歐洲球會就當然以本田圭佑等日本球員較多人買啦！臨近女子世盃，日子女子國家隊波衫都幾受歡迎㗎。

睇完日本球隊，搵嚟搵去都唔見有歐聯決賽隊伍祖雲達斯波衫，一問店員先知原來係賣晒！唔知係唔係即係小志強受歡迎過戴志偉？