憑無綫劇《法網狙擊》一場強姦高海寧戲上位嘅落選港男白健恩（小白），近日捲入「基鴨」風波。佢今日不避嫌去埋海港城睇鴨，仲教大家點樣同鴨鴨影合照，包括扮扁嘴鴨、扮咬鴨、扮出拳……總有一招啱你心水。

問到同鴨鴨合照會否尷尬？小白話： 「冇，呢隻鴨係帶開心、歡樂同和平訊息畀大家，可愛嘅。」 小白又自爆近日新聞為微博吸納唔少粉絲，咁當中男多定女多？佢話： 「唔知，應該有男有女。」