【又俾網友撞破拍拖】馮紹峰 趙麗穎低調來港度假 預計年底在歐洲結婚

蘋果日報 2018/09/03 15:22

馮紹峰趙麗穎
    憑《花千骨》喺內地走紅嘅趙麗穎，佢同馮紹峰因為拍電影《西遊記‧女兒國》擦出愛情火花，之前有消息突然傳出趙麗穎大肚啦！所以突然將所有工作停曬，雖然佢喺微博發文否認大肚，但據佢哋啲閨密爆料，趙麗穎係有喜了，接近三個月，所以除咗輕鬆嘅廣告工作同品牌活動，佢幾乎係全面停工，馮紹峰最近拍完劇後，暫時亦打算停工陪女友，噚日佢兩個一齊喺上海飛深圳，再喺深圳坐車嚟香港度假同買嘢。
    佢哋拍拖同結婚都未認過，但就經常出雙入對俾人影到，咁點解到依家佢哋都唔肯認戀情，聽講係因為女方啲廣告合約條款問題，所以對於感情事都要低調啲，不過佢哋雙方都已經有計劃年底前拉埋天窗，有計劃去歐洲結婚，不過之前不會向外公布。其實媒體早排都問過趙麗穎係咪要結婚生仔？佢工作室發言人依然係否認大肚傳聞。而噚日佢哋兩個喺上海飛到深圳時，兩個人坐喺最前排一行，兩人都戴住帽，低頭整理行李，女方一直用毛毯遮住個肚。
    精選娛聞，喺晒《娛果》
    http://fb.com/appledailyent
    empty
    原来馮紹峰只係藝名，佢真名真名叫馮威。（互聯網圖片）
    empty
    馮紹峰同趙麗穎傳聞年底會奉子成婚。（互聯網圖片）
    empty
    尋日馮紹峰同趙麗穎喺上海坐飛機去深圳，上照片俾網民曬出嚟。（互聯網圖片）
    empty
    趙麗穎喺飛機上一直用毛毯遮住個肚。（互聯網圖片）
    empty
    上個月馮紹峰同趙麗穎喺上海行街，又俾網友拍到。（互聯網圖片）