JustinBieber呢排負面新聞纏身,被指控喺阿根廷開騷期間,涉嫌牽涉多次盜竊、傷人等罪行,搞到被當局通緝。不過佢冇因為咁而潛水,打算暫時收歛吓噃!
外國網站爆料,話小Justin懶理通緝令,前晚仲喺屋企開P,搞到又有事發生。據聞當日凌晨3點幾,有人報警,話有個大約20歲嘅女仔,喺小Justin屋企暈低咗,要求救護車去將佢送院。但隔咗15分鐘,就有人再打911,話已經自行將個女仔送咗去醫院嘞。有在場人士就爆,個女仔其實係飲酒飲到暈低,清醒之後已經自己返咗屋企嘞。不過就有人質疑呢件事,唔止牽涉酒精咁簡單添!唔知究竟小Justin屋企仲有啲咩可以令人暈低呢?咁就得當晚有份參加呢個P嘅人先知喇!