【新增圖片】

細路仔心情唔好，好多時就會扁晒嘴，但其實大人都會有呢個情況出現。

好似49歲本港練馬師蘇偉賢，今日（23日）就示範給大家睇。第二場四班草地1200米，蘇偉賢旗下「八十八十」賽前殺聲震天，只得1.5倍，此匹4歲馬在騎師羅理雅胯下發揮無誤，可惜今遇上伏兵，終點前被告達理馬房「包勝」氣走，跟上仗一樣做二奶，賽後蘇偉賢便扁晒嘴。

第五場四班1400米，蘇偉賢、羅理雅另一合作馬「玩得好」2.8倍亦是大熱，結果二奶都做不成，跑第三Ｑ都撻埋，蘇偉賢賽後可以點？咪又再扁晒嘴囉！

唔講或者唔知，蘇偉賢今季兩倍以下全熱門馬，成績演出認真麻麻，連「八十八十」兩仗，一次1.7倍、一次1.5倍俱跑第二，季內此廐8次兩倍以下馬，只季初贏過「同得福」，之後連續7次4亞1季1殿例不勝，夾埋輸掉投注人之獨贏金額，直情已達天文數字。