現年41歲的張美妮誕女後，早已回復苗條身材，更不時拍跳舞片放上社交網，老公不但沒有介意，還舉高手指公讚好！美妮說：「未去返之前嘅體重，仲努力緊，玩吓跳舞主要滿足自己，𠱁吓自己開心，而且分享出去有人鍾意睇，老公又唔介意。可能佢見到我生完B，個樣哩哩啡啡，都想見返平時靚靚嘅我。我拍完片都會傳畀佢睇，佢會畀個good我。」

雖然美妮很滿足於全職湊女，但指生活都需要平衡：「呢排就做個網上媽媽節目，起初都唔慣，雖然只係三個鐘，但係都會好掛住個女，又會覺得好內疚，覺得冇陪住佢，要慢慢適應返工作狀態。」她指希望女兒見到她努力工作及喼弗：「等佢見到媽媽唔係一個只會喺屋企、哩啡嘅媽媽。」