倪晨曦年頭夏威夷已行禮 今日陀B簽紙正式成人妻
倪晨曦簽紙夏威夷武漢肺炎
「IG女神」倪晨曦 ( Elva)原本今年2月在香港,與從事金融的圈外男友吳嘉釗(Vincent)註冊兼擺酒,不過由於武漢肺炎的關係,令到她的結婚計劃打亂陣腳,而Elva於父親節宣佈將會成人母,BB預產期在11月。
Elva與Vincent決定好事成雙,趁BB未出世前簽紙註冊,拉埋天窗,今日2人在中環一間酒店舉行儀式,儀式一切從簡,只邀請了男方家人及Elva的幾位好姊妹朱韻韻(Angel)、鍾浠文(Zelia)、簡幗儀(Lilian)、苟芸慧及經理人出席見證,而她的父母因在加拿大,就未能飛返香港,她表示:「一直不斷改期想我啲屋企人可以嚟到香港出席,由2月改到9月都想睇下有冇機會疫情過去,可惜未有轉機;而我和V先生(Vincent)想在BB出世前完成登記結婚,所以今次我啲屋企人喺加拿大嚟唔到,要等下年1月補擺喜酒時,再同大家分享喜悅。」
其實一對新人早在今年1月已秘密在夏威夷舉行完婚禮及宣誓,雙方父母親臨見證,再打算2月在港擺酒,因疫情關係而延遲了,Elva表示:「當初計劃1月喺夏威夷舉行完婚禮,2月就喺香港登記結婚同擺酒;而家先同大家分享喺夏威夷嘅喜悅,希望疫情快啲過去,大家最緊要身體健康。」提到BB的狀況,她笑言:「BB好活躍,經常腳撐撐,我每日都會同佢傾下偈,V先生對我哋兩個都好照顧,暫時未偏心,唔知BB出世後會唔會呢?哈哈!」
倪晨曦今日與丈夫Vincent在香港舉行簽紙,終於正式成為吳太。
倪晨曦與老公Vincent希望趁BB未出世前舉行簽紙。
倪晨曦的好姊妹朱韻韻(右一)、鍾浠文(右二)、簡幗儀(左三)、茍芸慧(左二)及經理人等出席簽紙儀式。
倪晨曦在夏威夷的婚禮,一班在香港的好姊妹飛到當地陪嫁。
-----------------------------