廖碧兒早前被《蘋果》讀者踢爆與型男蜜遊芬蘭，原來男方叫盧啟賢（Calvin），係一位失婚富二代。碧兒冇否認戀情，只係話﹕「與Calvin了解中，我們於一年多前在慈善活動認識。待日後有好消息再同大家講。多謝關心。」(相關新聞﹕ http://bit.ly/2G62kAh )

廖碧兒表現風騷，除咗疑有愛情滋潤外，最近仲獲一間纖體美容公司邀任廣告代言人，展現fit爆完美身段。廣告中，碧兒換咗多套超低胸晚裝及泳衣，其中一套黑色西裝褸更疑真空上陣，大晒35D完美胸部線條。碧兒話自己向來唔會盲目追求「瘦」，覺得比例均稱更加重要，佢話：「今次全身總共減咗10吋，手臂同背部線條都出晒嚟，成個人Sharp晒，拍攝前幾日冇刻意食少啲，都可以保持最佳狀態拍廣告。」

此外，廖碧兒透露早前喺加拿大演出電影《Stegman Is Dead》，戲中飾演性感女殺手，當時因工作關係，搞到飲食同作息唔定時，佢話：「今次拍廣告幫我控制體重之餘，仲學咗一啲纖體知識，令我終身受用。」

精選娛聞，喺晒《娛果》
http://fb.com/appledailyent