澳門賭業猛人周焯華（洗米華）最近要照顧今個月30號剖腹分娩嘅正印陳慧玲(Heidi)，自然少咗時間陪伴疑有「華種」嘅女友MandyLieu，想盡享齊人之福，就要左撲右撲，母親節當日，洗米華原先喺菲律賓出席剪綵活動，活動之後，佢就即返澳門陪老婆慶祝，足見Heidi嘅華嫂地位穩如泰山(新聞連結： http://bit.ly/1He2nXL )。

據知Heidi原本預產期係6月10日，早前有報道話Heidi提早分娩，好友向太陳嵐代為澄清，Heidi提早喺今個月30號剖腹，原來係洗米華嘅意思，因為當日係佢41歲生日，半年前已約好醫生，同叫李丞責選好時辰同改名。

MandyLieu今日凌晨1點喺instagram先po出一張倫敦嘅風景相，留言：「GoldenLondon.」有傳洗米華已經再飛往歐洲公幹，未知係唔係又同Mandy一齊，今日Mandy貼相，難道係晒命?