現年46歲嘅「大長今」李英愛於2009年跟鄭豪泳結婚，並於2011年誕下一對龍鳳胎，現時愛姐一對寶貝仔女已經6歲。一向注重家庭樂嘅愛姐，亦不時攜龍鳳胎現身。

今日網上就公開一張愛姐跟老公及龍鳳胎嘅合照，照片中愛姐戴上黑超，笑容燦爛地企喺龍鳳胎嘅後面，不過龍鳳胎就非常專心地玩玩具，未有望鏡頭，而鄭豪泳就溫柔地摸囝囝嘅頭，父愛滿瀉。

有指今日公開嘅照片係一年多前嘅舊照，有Ig帳號用愛姐嘅名於網上公開合照，而愛姐開設嘅品牌就於該帳號留言：「你嘅帳號會令人誤會係李英愛官方或李英愛本人嘅，請修改你嘅帳號名字，多謝合作。」