當年今日
關於我們

【武漢肺炎】趕回港留學生:好好彩 做咗大贏家  

蘋果日報 2020/03/18 16:12

【武漢肺炎】

「英國嗰邊冇乜人戴口罩,每日睇見確診數字上升,但外國同學見到停課就話今晚去social、去gathering(聚會),停課仍然出去玩,最危險係佢哋完全冇意識,我依家返嚟可能都中招,但有人睇住我,但嗰邊政府係叫你有症狀,就留係屋企7日自己搞掂,就嚟死先好搵佢哋,與其嗰邊中招,不如返嚟中招,我寧願返嚟自己隔離,都唔留喺嗰度!」在英國讀物理治療二年級的衞姓女同學,偕姓陳女同學,今日趕及實施14日強制隔離檢疫前返港,兩人大呼好好彩,坦言是事件中的「大贏家」。
衞同學與陳同學說花約港幣7000元,由英倫直航回港,較平日約4000多元機票已貴近半,但她們仍深感幸運,「好彩買得快,我有朋友遲我一個鐘買機票,已經要2萬元。」她說本來復活節假後要考試,「本嚟冇諗住返嚟,但學校話停課停到9月,唔返嚟要留喺嗰度成半年或以上,而且都未必復到課,所以決定早啲返。」縱使機票昂貴,但仍全機爆滿,她說在航機上各人如臨大敵,全機乘客都是香港人,大部份是學生,兩人都穿全套雨衣、眼罩、口罩、帽及手套,「機上個個人都係咁多裝備,氛圍緊張,乘客大多時間都保持沉默,平時會有人去廁所,但依家係冇乜人起身,飛機餐亦冇乜人食,廁所冇乜人去。」她們落機除去保護雨衣,有手尾放在垃圾袋內棄掉。
她們決意回港,皆因英國防疫意識極差,「我哋喺校園戴口罩,就俾人叫corona,歧視問題好嚴重,去超市戴口罩都分分鐘俾人打,個個都搶機票走,寧願返嚟自我隔離14日。」
年僅15歲讀中三的劉同學,亦由英國趕回港,他父母一句「驚我惹到(病毒)」,他就奉命回港,他胞弟則於明日才能回港,他自言趕及未實施強制檢疫前回港「好好彩」,「機位好滿呀,遲小小都訂唔到機位,不過我返嚟都會自我隔離。自己困自己房間,食飯買外賣。」他指英國政府採取的佛系防疫政策,是任由民眾自生自滅,「隨時都中招,政府叫有症狀的在家,唔好就嚟死先搵佢哋,當地連藥都冇,返到香港覺得比較安全。」他指航機爆滿,「全部人都戴口罩,冇乜人食嘢,我自己都驚,冇去廁所,見到有啲人去廁所,但明顯少咗好多。」
有人返港,亦有人離港,陳小姐今日剛需要遠赴澳洲讀設計課程,為期一年,見她只戴口罩,沒有full gear上陣,入閘前更與來送機的胞姊深情擁抱,她指自己無特別準備,「不過去到就要隔離14日,冇辦法,真係咁啱要過去。」
empty
赴澳洲讀設計的陳小姐(圖左)與胞姊道別。簡明恩攝
empty
衞同學(圖左)與陳同學自言買到機票返港好好彩。張培生攝
empty
同學將穿過的雨衣用垃圾袋包好。張培生攝
empty
劉同學指父母擔心他安全,所以着他回港。張培生攝
empty
機場離境旅客不多。簡明恩攝
empty
不少返港乘客穿雨衣保護自己。張培生攝