香港家陣鼠輩橫行，立法會都一直有老鼠出沒，但估唔到「同類」相遇時，竟然唔係相吸而係相拒？經常拍住「廣州鼠王」周街捉老鼠嘅經民聯立法會議員梁美芬，明明有個「鼠王芬」稱號，點知今日喺立法會議事廳與「同類」相遇時，竟然嚇到花容失色，原來咁膽小如鼠。而且呢隻仲要只係道具老鼠而唔係真老鼠，可能佢以前落區捉老鼠時都係眼看手勿動，唔係近距離接觸，都唔覺同類恐怖啩。而成功整蠱鼠王芬、有象哥之稱嘅民建聯黃定光，似乎好有滿足感，之後好開心咁將隻道具老鼠放喺膊頭影相留念。傳說中大象怕老鼠？有圖有真相。

---------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX