市面好多廣告都會大玩創意，開頭就唔知喺到賣緊咩，到最後先開估，等觀眾有個驚喜，令産品更深入民心。最近有「神之手」之稱嘅日本AV男優加藤鷹都拍咗一個驚喜十足嘅廣告，大家一齊嚟估吓佢賣緊咩，先剩係睇條片嘅前39秒，見到佢舉起兩隻手指，好似鬼畫符咁「蕉蕉蕉蕉蕉」……點穴神功？捉鬼？定係「神之手」有新產品？

估吓啦，買唔到聖誕禮物嘅，可以考慮會唔會買嚟當賀年用品嘛。都係估唔到？睇埋落去。

(拉落去)
↓
↓
↓
↓
↓
↓
↓
↓
↓
↓
↓
↓
係唔係好出人意料呢？前段由加藤鷹自白，一見到加藤鷹就緊係會諗到同性有關嘅産品，點都唔會諗到係「風林山火」隻game，但件事又冇錯喎，的確隻game係要用手指玩，而加藤鷹又係「手指界」嘅代表，所以個廣告念頭真係好好。

而有唔少網民睇完個廣告之後，都話真係估佢唔到，仲大讚個公關真係好厲害，另外仲有網民話好好笑。不過最後嘅一幕先最驚喜，加藤鷹以一身諸葛亮嘅造型現身，留咗鬚又以一身古裝現身，其實都有少少懷疑嗰個唔係加藤鷹。